Inni-Woud Klasse
Olifant Klas
Die klein olifantjies is baie opgewonde om nuwe maatjies te kry, en kan nie wag dat hulle ʼn plekkie in die klas inneem nie.
Ons volg ʼn stimulerende dagprogram en maak seker babas ontvang ook voedsame kossies daarby.
Buite Kurrikulêre aktiwiteite ingesluit vir babas
Babagym
Program van Dr. M de Jager wat help om mylpale te bereik.
Pikaninimusiek
Musiekstimulasie deur middel van instrumente, klank, dans en sing.
We Can Talk
Baba gebaretaal waar babas +- 50 handgebare aanleer as kommunikasie.
Wat pak ek vir my kleuter
- 8 Doeke per dag
- Pakkie wet wipes vir boudjies
- Boudjiesalf
- Laken, kussing en 2 kombersies vir my bedjie
- Sonroom en sonhoedjie
- My formule melk/borsmelk (indien baba borsvoed.)
- 2 Ekstra stelle klere en ʼn warm baadjie
- 4 leë winkelsakke
- 4 pakke wetwipes en 4 bokse tissues vir gesiggie, handjies en neuse (2x per jaar)
Kameelperd Klas
Die kameelperdjies kan nie wag om te sien wie hier hul voete kom vind nie.
ʼn Aksie belaaide kurrikulum rus ons maatjies toe om elke dag nuwe dinge te ontdek. Hier is ook waar “potty training” begin, sodra kleuter gereed is.
Alle buite kurrikulêre aktiwiteite, soos uiteengesit op die tuisblad, is ingesluit by hul program.
Wat pak ek vir my kleuter
- 8 Doeke per dag
- Pakkie wet wipes vir boudjies
- Boudjiesalf
- Bottels (indien dit gebruik word)
- Sonroom en sonhoedjie
- 2 Ekstra stelle klere en ʼn warm baadjie
- 4 pakke wetwipes en 4 bokse tissues vir gesiggie, handjies en neuse (2x per jaar)
- “Potty Training” Juffrou sal persoonlik met ouers kommunikeer wanneer die groot dag aanbreek.
Apie Klas
Die Apies hou van rondbeweeg, lekker speel en so leer hulle sonder dat hulle eers weet. Ook dan gepas dat hul kurrikulum presies hiervoor ingerig is.
Alle buite kurrikulêre aktiwiteite, soos uiteengesit op die tuisblad, is ingesluit by hul program.
Wat pak ek vir my kleuter
- Sonroom en sonhoedjie
- 2 stelle klere en ʼn warm baadjie
- Genoeg ekstra onderklere
- 4 pakke wetwipes en 4 bokse tissues vir gesiggie, handjies en neuse (2x per jaar)
Seekoei Klas
Die Seekoeitjies begin nou selfstandig hul voete vind deur te ontdek, ervaar en te eksperimenteer. Dit is hier waar “self” ʼn werklikheid word vir die kleuter. Glimlagte is breed as hulle op eie stoom doelwitte kan bereik.
Alle buite kurrikulêre aktiwiteite, soos uiteengesit op die tuisblad, is ingesluit by hul program.
Wat pak ek vir my kleuter
- Sonroom en sonhoedjie
- 2 stelle klere en ʼn warm baadjie
- Genoeg ekstra onderklere
- 4 pakke wetwipes en 4 bokse tissues vir gesiggie, handjies en neuse (2x per jaar)
Zebra Klas
Ons Zebratjies gaan met n drafstap deur hul dag. Ons werk, speel en lag heeldag lank. Nuwe ervarings elke dag en voor jy weet is hulle reg om stof op te skop vir hul groot-skool avontuur.
Alle buite kurrikulêre aktiwiteite, soos uiteengesit op die tuisblad, is ingesluit by hul program.
Wat pak ek vir my kleuter
- Sonroom en sonhoedjie
- 2 stelle klere en ʼn warm baadjie
- Genoeg ekstra onderklere
- 4 pakke wetwipes en 4 bokse tissues vir gesiggie, handjies en neuse (2x per jaar)
Buite Kurrikulêre Aktiwiteite
Kiddisport
‘n Program waar kleuters die basiese vaardighede van ongeveer 10 sportsoorte aanleer, alles op ‘n vlak wat vir hulle gepas is. Ons speel rugby, sokker, netbal, selfs golf en nog meer.
Kinderkaperjolle
Ons dans en speel op maat van musiek, leer nuwe soorte danse aan, soos wals en volkspele en tussendeur is daar ook kans vir basiese gimnastiek vaardighede.
Trippe Trappe Tone
Koördinasie tussen die oog, hand en voet word hier ingeskerp met heerlike speletjies, terwyl ons sommer ook ons midlynkruising en ander groot motoriese vaardighede baasraak.
Pikanini Musiek
Musiekteorie, ritme, klankherkenning, luistervaardighede en speel van instrumente maak deel uit van die prettige musiekavontuur.
Ekstra Aktiwiteite
ABC – Do you speak English?
Do you speak English? Basiese Engelse lessies
vir Afrikaans sprekende maats.
Zulu vir beginners
Basiese Zulu lesse, waarin ons nuwe woorde
aanleer vanaf 3-5 jaar.
Poppekas/Speeltoneel
1x per maand
Bakkersdag
1 x per maand @ R5
Bak en Brou
op Vrydag
Algemene Inligting
Onthou asseblief
- Ons babas neem deel aan al ons skoolprojekte/aktiwiteite
- Ons vier graag saam verjaarsdae – Reël gerus met juffrou.
- Ons mag geen medisyne toedien nie.
- Siek maatjies moet asb tuisbly tot hul beter voel.
- Boete vir laat oplaai R100 per kwartier of deel daarvan.
- Merk asseblief alles duidelik.
- Alles is ingesluit by die skoolfonds.
- Opsioneel – skoolfotos, deelname aan fondsinsamelings en gemeenskapsprojekte.